Heimili fasteignasala kynnir í einkasölu Bauganes 33A Reykjavík. Sjarmerandi einbýlishús á tveimur hæðum, með bílskúr á skjólsælli eignarlóð í Skerjafirði. Eignin telur, á neðri hæð, borðstofu/stofu, eldhús, eitt svefnherbergi, baðherbergi og þvottahús. Á efri hæð er stór setustofa með aukinni lofthæð, tvö svefnherbergi og baðherbergi. Möguleiki að bæta við herbergi. 

Nánari lýsing, neðri hæð:
Anddyri: Flísar á gólfi, gott skápapláss.
Borðstofa/stofa: Bjart og fallegt rými með útgengi út á lóð. 
Eldhús: Er við borðstofu, mjög rúmgott, Góður borðkrókur, tveir gluggar. Hvít innrétting, flísar milli skápa og flísar á gólfi. Stæði fyrir ísskáp og uppþvottavél. 
Svefnherbergi I: Gott herbergi með tveimur gluggum, parket á gólfi. 
Baðherbergi: Hvít innrétting með handlaug, skápur með spegli ofan við, sturtuklefi. Gluggi er á baðherberginu. Flísar á gólfi.
Þvottahús: Létt innrétting, vaskur. Flísar á gólfi. Útgengt út á lóð. 

Nánari lýsing, efri hæð:
Svefnherbergi II: Rúmgott panelklætt herbergi undir súð, með tveimur gluggum. Fataskápur. Korkflísar á gólfi.
Svefnherbergi III: Rúmgott panelklætt herbergi undir súð, með tveimur gluggum. Korkflísar á gólfi. 
Setustofa: Bjart og fallegt rými með mikilli lofthæð undir súð. Útgengi á svalir til suðurs. Panelklæddir veggir. Parket á gólfi. Möguleiki að bæta við herbergi. 
Baðherbergi: Hvít innrétting, gott skápapláss. Baðkar. Opnanlegur gluggi. Panelklæddir veggir, flísar á gólfi. 

Húsið er timburhús, klætt liggjandi bárujárni á langhliðum, og að hluta til á göflum. Annars eru gaflar með liggjandi viðarklæðiningu. Timburborð klæða af horn og ramma inn glugga.
Bílskúr: er 24,5 fm. Góð lofthæð. Steypt gólf. Bílskúrshurð. Vinnuborð með vaski. Rennandi vatn, hiti og rafmagn. 
Lóðin: er skráð 787 fm eignalóð að hluta afgirt. Á lóðinni sem er skjólgóð er lítið gróðurhús og kaldur geymsluskúr. 

Fjölskylduvænt og fallegt einbýlishús með mikla möguleika á þessum eftirsótta stað í Skerjafirðinum. Vinsælar göngu-, hjóla og útivistarleiðir meðfram sjávarsíðu Skerjafjarðar og Ægisíðu í næsta nágrenni.

Athygli er vakin á því að seljandi hefur ekki búið í eigninni og þekkir því ekki ástand hennar að öðru leyti en fram kemur í söluyfirliti.

Allar nánari upplýsingar um eignina veitir Sigríður Lind Eyglóardóttir fasteignasali [email protected] / 8994703




 

Heimili fasteignasala - á traustum grunni frá 2002.  Vegna mikillar eftirspurnar á markaði vantar okkur fleiri eignir á söluskrá. Hafið samband í síma 530-6500 eða sendið okkur tölvupóst á [email protected] og við verðmetum eignina þína þér að kostnaðarlausu.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Heimili fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni.
Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1.Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.700,- fyrir hvert skjal.
3. Lántökugjald lánastofnunar í samræmi við gjaldskrá viðkomandi lánveitanda.
4. Umsýslugjald kaupanda er kr. 79.900. 
5. Þegar um nýbyggingu er að ræða greiðir kaupandi skipulagsgjald, 0,3% af endanlegu brunabótamáti, þegar það er lagt á af viðkomandi sveitarfélagi.
 
Heimili fasteignasala – á traustum grunni frá 2002.
Grensásvegi 3, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.
Upplýsingar um starfsfólk má finna á heimasíðu Heimili og á Facebook.