530-6500

Bogi Pétursson

Lögg. fasteignasali

Finnbogi Hilmarsson

Lögg. fasteignasali

Verðmunur milli hverfi mikill á höfuðborgarsvæðinu.

Verðmunur milli hverfa mikill á höfuðborgarsvæðinu.

Landsbankinn hefur tekið saman tölur sem Þjóðskrá Íslands hefur birt um verð á fjölbýli í hverfum á höfuðborgarsvæðinu árið 2014. Bilið milli hverfa hefur verið að aukast, þó með sveiflum, allt frá árinu 2003 og sá munur jókst frekar í fyrra. Á árinu 2014 var hæsta meðal fermetraverð á höfuðborgarsvæðinu 377 þús. kr. í miðborg Reykjavíkur og það lægsta 214 þús. kr. í Álfaskeiði í Hafnarfirði. Þarna á milli er 75% munur og hefur hann aldrei verið meiri á milli dýrasta og ódýrasta hverfis. Miðlæg svæði í Reykjavík, Seltjarnarnes og Garðabær eru dýrust.

Eins og áður segir var fermetraverðið hæst í miðborginni á árinu 2014. Sé litið á næstu hverfi eru miðlæg svæði í Reykjavík, Garðabær og Seltjarnarnes líka hlutfallslega nokkuð dýr. Garðabæ er skipt upp í þrjá hluta í þessari skoðun og eru þau öll meðal efstu hverfa. Miðlægu hverfin í Reykjavíkeins og Melar og Hagar, Lönd, Grandar, Teigar og Tún og Hlíðar koma einnig sterk inn.Frekari upplýsingar má finna hjá Þjóðskrá og á heimasíðu Landsbankans.



Til baka